ټرمپ: د هند او پاکستان ترمنځ ايټمي جګړه مې د تجارت په ګواښ ودروله
د امريکې ولسمشر ډانلډ ټرمپ وايي هند او پاکستان ته یې ګواښ کړی وو چې که خپلمنځۍ جګړه نه ودروي نو له هغو هېوادونو سره به تجارت بند کړي او ډېر ټيکسونه به پرې ولګوي. د هغه په وينا په اوربند سره یې يوه خطرناکه او د پراخې تباهۍ ممکنه ايټمي جګړه له کېدو مخکې ختمه کړه. هغه وويل که داجګړه شوی وای نو ډېر ویجاړی به یې رامنځته کړی وو. تر اوسه د پاکستان او هند چارواکو په دې اړه څه غبرګون نه دی ښوولی.