کشمیر ولې د هند، پاکستان او چین ترمينځ د لانجې ټکی دی؟
د هند تر واک لاندې کشمير په پهلګام سيمه کې په يو وسلوال بريد کې د سيلانيانو تر وژنې وروسته د پاکستان او هند ترمينځ سفارتي اړيکې کړکېچنې شوي او دواړو هېوادونو پر يو بل سفارتي بنديزونو ولګول. دا سیمه ولې دومره جنجالي ده؟ کشمیر د نړۍ یو له پخوانیو او خورا مهمو ناحل شویو نړیوالو شخړو او یو له خورا نظامي سیمو څخه دی. د هند او پاکستان ترمينځ د کنټرول کرښې په اوږدو کې زياتره وخت د تاوتریخوالي پېښې کېږي. کشمير د بحران داسې يواځينی ځای هم دی چې درې اټومي قدرتونه پکې ښکېل دي. د مشال راډيو داود خټک په دې ويډيو کې د کشمير لانجې تاريخ بيانوي.